Ótrúlegt

Það gleður mig alltaf þegar ég sé talað um nýjan Gjábakkaveg milli Þingvalla og Laugarvatns. Það eru nú komin ansi mörg ár síðan farið var að tala um að leggja þyrfti nýjan veg.  Það er svo aftur ótrúlegt hve Landverd og Pétur M. eru á móti þessari framkvæmd. Ýmis rök hef ég séð í gegnum árin s.s. sjónmengun af nýjum vegi. En sjónmengun fyrir hvern? Kannski fuglana sem fljúga yfir því aðrir sjá ekki að öllu jöfnu landið sem vegurinn (Vegastæði 2) er hugsaður um nema að litlu leiti. Nú eru rökin aukin mengun í vatninu og það yrði bara alveg grænt, eða fast að því. Hvað þá með alla  hina vegina sem liggja við og nálægt vatninu allt í kringum það og inná vatnsvernadarsvæði þess?  Ætti kannski að loka þeim.  Hvað gerðist þegar vegurinn var lagður frá Leirum svo til um hlaðið á Gjábakka og niður undir Arnarfell. Varð vatið grænt við það eða jókst mengun í vatninu við þann veg? Ekki get ég heldur séð að mikið rask hafi orðið við lagningu hans.  Hvaðan kemur þessi hættuviðvörun eiginlega og hvað hefur Pétur M. fyrir sér um þetta.  Ekki er talað um þá mengun sem núverandi vegur veldur eða hættuna sem af honum stafar. Það væri t.d. vel hægt að tala um sjónmengun af rykskýjunum sem yfir honum eru yfir sumarið.  

Ég fer oft um þennan veg mér til ánægju en ekki af því ég eigi sumarbústað eða hugsi mér að kaupa einn slíkan. Það eru kannski  fleiri en ég sem vilja fá að njóta þessarar frábæru leiðar sem best. Ég er sem sé  ekki sá almenningur sem Bergur Sigurðsson talar um að sé örugglega á móti þessum vegi.  Leggjum nýjan veg og það sem allra fyrst, bætum þessar samgöngur og leyfum sem flestum að njóta þeirrar nútturu sem verður þeim aðgengilegri með nýjum vegi.

Almenningur segi álit sitt á Gjábakkavegi